"3-dekabr xalqaro nogironlar kuni" munosabati bilan bayram tadbiri bo‘lib o‘tdi.
Yordamga muhtojlarga ko‘maklashish, mehr va muruvvat ko‘rsatish azaliy qadriyatlarimizdan biri sanaladi. Zero, Davlatimiz Rahbari tomonidan aholining ijtimoiy yordamga muhtoj qatlamini kuchli himoya qilish loyihalariga alohida e’tibor qaratilishida ham katta ma’no mujassam.
"3-dekabr – Xalqaro nogironlar kuni" munosabati bilan bugun mas'ullar ishtirokida bir guruh imkoniyati cheklangan insonlar uchun tumanimizning Mustaqillik bazmgohida bayram tadbiri bo‘lib o‘tdi.
Tadbirda tuman hokimi Dilshod Shakarboyev so‘zga chiqib, ishtirokchilarning dardiga shifo hamda sog‘-salomat yurishlarini bildirib, samimiy tabrikladi.
Bayramda bir guruh tumandoshlarimizga tashakkurnoma, esdalik sovg‘alari va reabilitatsiya vositalari topshirildi.
Tuman Madaniyat bo‘limi san’atkorlari tomonidan ijro etilgan kuy va qo‘shiqlar yig‘ilganlarga bayramona kayfiyat bag‘ishladi.
47
