“Yuqori Jo‘sh” MFY hududida Bekqo‘rg‘ontepa qadimiy shahar bo‘lganligi aniqlandi
Qo‘shrabot tumani “Yuqori Jo‘sh” MFY hududida arxeologik yodgorlik Bekqo‘rg‘ontepada Samarqand viloyati va Qo‘shrabot tumani hokimligi homiyligida Madaniy meros agentligi Samarqand arxeologiya instituti xodimlari tomonidan 2024-yil 1-avgustidan 13-sentabriga qadar arxeologik qazuv tadqiqotlar amalga oshirildi.
Bekqo‘rg‘ontepada olib borilgan arxeologik qazuv ishlari jarayonida shaharga ilk o‘rta asrlarda (V-VI asrlar) asos solinib, shaharda hayot uzluksiz ravishda 19-asr oxiriga qadar davom etganligi aniqlandi. Qazuv jarayonida ko‘plab arxeologik topilmalar qayd etildi, xususan, numizmatik materiallar (tanga pullar), sopol idish parchalari, temirdan va toshdan yasalgan uy-ro‘zg‘or buyumlari, ayollar taqinchog‘i, shisha buyum singari arxeologik materiallar qo‘lga kiritildi.
????Batafsil: