8Ichki ishlar tizimida "Uch avlod uchrashuvi" tashkil etildi
Qo‘shrabot tumani IIB rahbariyati va shaxsiy tarkibi bilan Ichki ishlar organida ishlab nafaqaga chiqqan pensionerlar ishtirokida "Uch avlod uchrashuvi" o‘tkazildi.
Uchrashuv davomida "Kecha va bugun" mavzusida davra suhbati tashkil etilib, uzoq yillar IIO tizimida xizmat qilgan ustozlar xizmat jarayonidagi mashaqqatlar, bugungi kunda xodimlarga yaratilayotgan keng ko‘lamli imkoniyatlar to‘g‘risida to‘xtalib, har bir yetishib chiqadigan kadrlar halollik va to‘g‘rilik bilan sidqidildan xizmat qilishi lozimligini ta’kidladilar.
So‘zga chiqqanlar Vatanimizning qadimiy va boy tarixini chuqur o‘rganish, yosh avlodni milliy qadriyatlar va ajdodlarimizning bebaho merosi asosida tarbiyalash, jamiyatda vatanparvarlik va o‘z xalqi bilan g‘ururlanish tuyg‘usini shakllantirish asosida milliy o‘zlikni anglash hissini mustahkamlash muhimligini, vatanparvar bo‘lishga daʼvat etishdi.
