Qo‘shrabot tumanida ma’naviy-ma’rifiy ishlar samaradorligini oshirish va sohani rivojlantirishni yangi bosqichga ko‘tarish yuzasidan bugun, 23-may kuni Respublika Ma’naviyat va ma’rifat markazi Qo‘shrabot tuman bo‘linmasi tomonidan tuman Moliya bo‘limi va tuman Kasaba uyushmalari tashkilotlarida  ma’naviy ma’rifiy ishlar samaradorligini oshirish bo‘yicha amalga oshirilgan ishlar holati bo‘yicha  amaliy o‘rganish olib borildi.

O‘rganish davomida tashkilotlarda O‘zbekiston Respublikasi Prezidentining 2021-yil 26-martdagi  “Maʼnaviy-maʼrifiy ishlar tizimini tubdan takomillashtirish chora-tadbirlari toʻgʻrisida”gi PQ-5040-sonli qarori ijrosi, ma’naviyat va ma’rifat xonasining mavjudligi, ijtimoiy-ma’naviy muhit holati, ma’naviy-ma’rifiy tadbirlarni tashkil etilganligi, “Ma’rifat soati”, “Ma’naviyat va ma’rifat o‘quvi” o‘quv-mashg‘ulotlari o‘tkazilishi bo‘yicha amalga oshirilgan ishlar, peshlavhalar holati, ma’naviy-ma’rifiy ishlarning yangi tizimini tashkil etish, ko‘rgazmali vosita, gazeta, jurnal, kitoblar hamda adabiyotlar bilan ta’minlanganligi, ish hujjatlarining lotin yozuviga asoslangan o‘zbek alifbosiga o‘tkazilganligi o‘rganildi.

2023-yilda tuzilgan “Yo‘l xarita” ijrosi yuzasidan olib borilgan monitoring va jamoadagi ma’naviy muhit hamda kutubxona faoliyati, o‘tkazilgan ma’naviy-ma’rifiy tadbirlarni OAV va ijtimoiy tarmoqlarda keng yoritilishi ham atroflicha tahlil qilindi. Yutuq va kamchiliklar yuzasidan muhokama qilinib, qo‘shimcha tavsiyalar berildi.