Ҳозирда барча абитуриентлар якуний натижалар эълон қилинишини кутмоқда ва Давлат тест марказига танлов натижаларини қандай билиш мумкинлиги борасида кўплаб саволлар келиб тушмоқда.
Тест синовларининг якуний натижалари еълон қилингандан сўнг, танлов натижаларини 3 хил усулда билиш мумкин бўлади.
1️⃣ Абитуриентнинг шахсий кабинети орқали:
Давлат тест марказининг расмий веб-сайтида ҳар бир абитуриент учун шахсий кабинет яратилган бўлиб, абитуриентлар шахсий кабинети (abitur.dtm.uz сайти) орқали танлов натижаларини билишлари мумкин.
2️⃣ СМС хабарнома хизмати орқали:
Абитуриентлар танлов натижаларини 5100 рақамига абитуриент ИД сини юборган ҳолда ҳам билишлари мумкин.
Бунда СМС юборилган телефон рақамига танлов натижалари бўйича СМС хабарнома юборилади (хизмат ҳақи мавжуд).
3️⃣ Тест натижалари қайдномаси орқали:
Натижалар эълон қилингандан сўнг тест натижалари қайдномаси олий таълим муассасаларига тақдим етилади. Абитуриентлар олий таълим муассасаларига борган ҳолда қайдномадан танлов натижаларини кўришлари мумкин бўлади.
Тест синовларига оид расмий хабарларни Давлат тест марказининг расмий веб-сайти (https://dtm.uz/) ва Давлат тест марказининг Самарқанд вилояти бўлими (https://t.me/dtm_samarqand) телеграм каналида кузатиб боринг.
259
