Абдувоҳидова Гавҳарой Жамшид қизи туман марказидаги 82-умумтаълим мактабининг 4-синф ўқувчиси. У туман марказидаги 5-сон Болалар мусиқа ва санъат мактаби рассомчилик тўгарагига қатнашади.
Гавҳарой кўплаб танловларда иштирок этиб келмоқда. У “Камалак юлдузлари” танловининг туман босқичида биринчи, вилоят босқичида эса 2-ўринни эгаллади.
Яқинда яна бир хушхабар келди. Россия федерациясининг Саратов шаҳрида буюк рус шоири А.Пушкин таваллуд кунига бағишлаб ўтказилган “Белая ворона” халқаро рассомчилик танловида Гавҳарой А.Пушкиннинг “Олтин балиқ” эртаги асосида расми учун 3-даражали диплом билан тақдирланди.
- Рассомчиликка қизиқишимга бобом сабабчи бўлган,-дейди Гавҳарой. - Бобомнинг чиройли чизган расмларини кўриб, бу касбга қизиқишим пайдо бўлди. Устозим Зайнаб опа Эшмоновадан рассомчилик сир-асрорларини ўрганмоқдаман. Халқаро танловдаги эътироф туфайли ижодим билан янада юксакликка интилишга, изланишга, ўз устимда мунтазам ишлашга ҳаракат қиламан.
Ҳ.РАСУЛОВ.
383
