Заркент шаҳарчасида жойлашган ҳарбий қисмга “Очиқ эшиклар куни” доирасида 26-умумтаълим мактабида ташкил этилган “Қалқон” жасорат мактаби ҳамда 82-умумтаълим мактабининг юқори синф ўқувчилари ташриф буюришди.
Тадбирда сўзга чиққанлар мамлакатимизда маънан етук, жисмонан соғлом авлодни вояга етказиш, уларни ҳар томонлама қўллаб-қувватлаш, ташаббусларини рағбатлантириш, ҳуқуқ ва манфаатларини ҳимоя қилиш борасида самарали ишлар қилинаётганини таъкидлади.
Иштирокчи ёшлар мутахассисларнинг маърузаларини тинглаб, керакли маълумот ва тушунчалар олди. Ҳарбий қисм фаолияти, қурол-аслаҳалардан фойдаланиш жараёнлари билан танишди.
Фурқат САМАТОВ.
368
